Eðlilegur fylgifiskur 21.aldarinnar?

Nú ríkir allt að því stríðsástand fyrir botni miðjarðarhafs og eru ekki miklar líkur á að að leysist á næstunni, frekar en síðustu ár.

Í kvöldfréttum bæði RÚV og NFS var sagt frá þremur Íslendingum sem staddir eru í Beirut rétt við flugvöllinn sem sprengdur hefur verið í dag.  Sem betur fer hafa þeir sloppið heilir enn þó svo að hótelið sem þeir búa á sé aðeins örfáa kílometra frá sprengjusvæðinu, og vona ég að þeir nái að komast heim heilir á höldnu.

En því miður er alltaf mannfall í svona átökum og eru börn og aðrir saklausir borgarar stærstur hluti fallinna, fólk sem hefur ekkert gert til að verðskulda svona meðferð, fólk sem er bara að reyna að fá að lifa sínu lífi á eðlilegann máta.  

Sem betur fer hafa þjóðhöfðingjar margra landa fordæmt þessar árásir en það eru samt alltaf til svartir sauðir sem ekki eru alveg á sömu nótum og aðrir.  Þar á ég auðvitað um hinn mikla forseta banaríkjanna George W. Bush.  Hann sagði á blaðamannafundi að svona mannfall væri, eðlilegur fylgifiskur 21.aldar og í baráttunni við hryðjuverk og hryðjuverkamenn.  Auðvitað eru til vondir karlar í ýmsum löndum og sjðálfur fyllist ég mikilli skelfingu og reiði þegar ég sé fréttir um árásir eins og þær sem gerðar voru á London fyrir rétt rúmu ári síðan og á Mumbai á Indlandi núna á mánudaginn.  En það sama gerist þegar ég sé myndir af limlestum eða látnum börnum eða börnum sem syrgja látna foreldra sína.  

Það að ríkisstjórnir og ráðamenn landa geti fyrirskipað og rökstutt morð á saklausu fólki fæ ég bara  alls ekki skilið.   Fyrir mér er aldrei hægt að réttlæta morð, hvað þá með morði.    

Bandaríkjamenn stöðva ályktun um árásir Ísraelsmanna