Góða nótt Silvia.

æja þá er þessi eurovision-vitleysa búin, allir ættu að vera að vera sáttir við úrslitin,  allaveganna er ég mjög sáttur, hélt með Finnum frá því að ég heyrði þetta lag fyrst.  Það sem fólk ætti hins vegar ekki að vera sátt við er framkoma Águstu Evu aka Silvia "Night" eftir keppnina.  Ég veit að þetta var allt leikið og allt það en það eru til takmörk fyrir öllu, ég var allan tíman á móti "Silviu" en gat samt hlegið að henni á köflum, en þegar ég heyrði að hún hefði hrækt og öskrað á fréttamenn var hlátur mjög langt frá huga mínum.  Svo stiplaði hún sig rækilega út úr keppninni þegar að hún sakaði hina sænsku  Carolu um að hafa sofið hjá framkvæmtarstjóra keppninnar og þannig komist í úrslit á kostnað Íslands.

 

Nú ættum við að gleyma Silviu og leyfa Águstu Evu að koma heim og hvíla sig, réttast væri að láta hana sviðsetja andlát "Silviu" á hótelherbergi sínu í Aþenu.  Þá þyrftum við ekki að hafa áhyggjur af henni meir, svona svipað og Elvis gerði hér um árið.

En það er greinilegt að nú þarf RUV að hugs sinn gang því að við sendu litla sæta ofdekraða gelgju og verðum að athlægi fyrir framan margar miljónir manna (kanski var það ætlunin en öllu má nú ofgera).  Á meðan senda Finnar miðaldra karla á grímubúningum og slá öll met.  Kanski við ætum bara að senda Megas og Súkkat á næst ári eða bara að spara þessar miljónir og bara að láta okkur nægja að sitja heima og horfa bara á úrslitin í beinni.  Við komumst hvort sem er aldrei alla leið! 

Mynd fengin af mbl.is

Silvía Nótt endaði í 13. sæti í forkeppninni

Athugasemdir

[Ólafur Jónsson (IP-tala skráð) 21.5.2006 kl. 23:54]

Ég er hjartanlega sammála. Það er óskiljanlegt að útvarpsstjóri skuli ekki sjá neitt athugavert við það að útsendari stofunarinnar fari um með dónaskap og rætnar lygar. Er það siðgæðisstuðullinn sem framkoma Rúv-ara á að vera borin við því í mínum huga er viðundrið Silvía Nótt ekkert annað en 'agent' Rúv. Þetta sjónarspil hefur verið einn samfelldur niðurlægingarspírall og ekkert lát virðist á. Ég styð tillögu um tímabært andlát ófétisins, tími er til kominn.

[Magga Kristjáns (IP-tala skráð) 22.5.2006 kl. 12:25]

Vilt þú að Megas og Súkkat fari næst?